Mbrëmë, në media u komentua fustani që mbante veshur vajza e Albin Kurtit, përcjell InLajmi.
E kjo për shkak të çmimit të shtrenjtë, që u tha se ishte rreth 500 dollarë.
E Qeveria reagoi menjëherë duke thënë se fustani është marr në formë huazimi dhe se do të ju rikthehet dizajnerve pasi familja e Kurtit të rikthehet në Kosovë.
Lajmin se fustani është i huazuar e ka konfirmuar edhe Sanije Matoshi, menaxherja e atelesë së dizajnerve Teuta Lirika Matoshit.
“Fustanet janë marrë në huazim vetëm për këtë event, ashtu siç veprojnë të gjithë artistët dhe personalitetet e tjera.
Sa i perket fustanit të vajzes, Lirika ia ka punuar personalisht si dhuratë, por familja Kurti nuk ka pranuar, e ka marre vetëm si huazim”, ka njoftuar Matoshi, përmes rrjeteve sociale.
Postimi i plotë i saj pa ndërhyrje:
Dua te sqaroj per fustanet e Teuta&Lirika Matoshi qe u prezantuan nepermjet bashkeshortes dhe vajzes se Kryeministrit Albin Kurti në Festivalin Nderkombetar të Filmit, në Cannes te Francës.
Meqenese e menaxhoj Atelene e Teuta&Lirika Matoshi dhe qe te trija u perkujdesem per veshjen e tyre, dua te ju siguroj qe ne i kemi veshur ato qe te percjellim nje mesazh dhe qe nepermjet kreacioneve tona ta prezantojne Kosoven sa me dinjitetshem ne kete event.
Fustanet jane marre ne huazim vetem per kete event, ashtu siç veprojne te gjithe artistet dhe personalitetet e tjera.
Sa i perket fustanit te vajzes, Lirika ia ka punuar personalisht si dhurate, por familja Kurti nuk ka pranuar, e ka marre vetem si huazim.
Kjo eshte nje e vertete dhe u detyrova te shkruaj edhe pse nuk dua te involvohem ne shkrime te tilla, por eshte ne pyetje Familja dhe Shteti im!
Paqe 🤍
/InLajmi/
