Kryeministri i Kosovës, Albin Kurti, mbrëmë u shfaq përmes fotografive me gruan dhe vajzën, derisa tregoi se ishte prezent në shfaqjen e filmit “Pa Vend” të Samir Karahodës, i cili garon në kategorinë e filmave të metrazhit të shkurtër, i cili film ishte pritur mjaftë mirë dhe me duartrokitje të gjata nga publiku, përcjell InLajmi.
Pas këtij postimi, kanë “vërshuar”, komentet lidhur me fustanet e gruas dhe bijës së Kurtit. E në theks të veçantë për çmimin e fustanit të vajzës së Kurtit që u tha se kushton afër 500 dollarë, dhe se është punuar nga një kreatore e njohur kosovare.
E lidhur me këtë, ka reguar sot edhe ish-këshilltari i Hashim Thaçit, Adil Behramaj, i cili tha me ironi se Kurti, një muaj më herët është përkujdesë për fustanet që duhet t’i veshin bashkëshortja dhe vajza e tij në festivalin e filmit në Kanë.
Por , në anën tjetër, tha ai përmes një p;ostimi në Facebook, aspak nuk i ka interesuar përkujdesja për afër 2 mijë deçanasve të helmuar.
Postimi i plotë i tij:
Çfarë kryeministri fantastik! Në njërën anë, një muaj më herët përkujdeset edhe për fustanët që duhet t’i veshin bashkëshortja dhe vajza e tij në festivalin e filmit në Kanë.
Ndërsa, në anën tjetër, as që i intereson përkujdesja për afër 2 mijë deçanas të helmuar.
Madje, jo vetëm fantastik, por kryeministër edhe i dinjitetshëm, sepse as që i bëri përshtypje kur Vuçiqi deklaroi se ka informacione për serbët që ishin aty, ndërsa institucionet tona nuk po e dinë as çfarë ka ndodhur! 🙈/InLajmi/
