Shaqir Totaj, nga radhët e Partisë Demokratike të Kosovës (PDK), në Prizren ka kritikuar ashpër së fundmi, kryetarin e Prizrenit Mytaher Haskukën, përcjell InLajmi.
Sipas Totajt, i trembur nga ofrimi i zgjedhjeve dhe nga kritikat për dështim, Haskuka ka kritikuar kuvendarët e opozitës
“Si zakonisht ka provuar t’i fajësojë të tjerët, në stilin sulmi, mbrojtja më e mirë.
Dështaku Mytë, që tashmë publikisht nuk e ka as përkrahjen e partisë së tij, Vetëvendosje, paska menduar ta ketë përkrahjen e opozitës, të cilën nuk e ka vlerësuar. Për 4 vjet, sa e mori në qafë Prizrenin me dështimet e vazhdueshme, ky nuk e ka mësuar as rolin e opozitës. Pa e ditur rëndësinë e saj e të numrave në Kuvendin Komunal, Myta u tregua mosmirënjohës kur e prishi koalicionin me partnerët e tij, LDK-në e NISMËN, që e ndihmuan ta realizojë të pabesueshmen, për t’u ulur në karrigen e kryetarit”, ka shkruar Totaj përmes rrjeteve sociale.
E Totaj ka shkuar deri aty sa ka thënë se i gjithë Prizreni e di, se ai ishte vetëm një turist “kryetar”, pasi kryetar i vërtetë ishte shefja.
Postimi i plotë i tij:
Kryetar dështak, turisti Haskukë MOSMIRËNJOHËS
I trembur nga ofrimi i zgjedhjeve dhe nga kritikat për dështim, kryetari Haskuka paska kritikuar kuvendarët e opozitës! Si zakonisht ka provuar t’i fajësojë të tjerët, në stilin SULMI MBROJTA MË E MIRË.
Dështaku Mytë, që tashmë publikisht nuk e ka as përkrahjen e partisë së tij, Vetëvendosje!, paska menduar ta ketë përkrahjen e opozitës, të cilën nuk e ka vlerësuar! Për katër vjet, sa e mori në qafë Prizrenin me dështimet e vazhdueshme, ky nuk e ka mësuar as rolin e opozitës. Pa e ditur rëndësinë e saj e të numrave në Kuvendin Komunal, Myta u tregua MOSMIRËNJOHËS kur e prishi koalicionin me partnerët e tij, LDK-në e NISMËN, që e ndihmuan ta realizojë të pabesueshmen, për t’u ulur në karrigen e kryetarit.
Por, i gjithë Prizreni e di, se ai ishte vetëm një turist “kryetar”, pasi kryetar i vërtetë ishte SHEFJA.
Myta prej kohësh ka mbetur i vetëm. Se ka as përkrahjen e shoqërisë civile e medieve të pavarura e profesionale, pasi vazhdimisht është kritikuar prej tyre.
Postit HARAM i erdhi fundi. Populli thotë “Zullumi këputet prej së trashi”. Këtë tashmë e ka kuptuar edhe Vetëvendosje në Prizren.
Ndonëse duket qesharak, Myta ia ka ngritë buzëqeshjen liderit të partisë së tij, Kurtit, pasi e ka vënë në sfidë, meqenëse e ka të vështirë ta pranojë dështimin e axhami qeverisjes së partisë në Kryeqytetin Historik e Shpirtëror dhe të traditës.
A ka pasur Prizreni ndonjëherë DËSHTIM më të madh, se sa këto 4 vjet, të kësaj kohe të HIQ-it?! Këtë s’do ta harrojmë!
Prandaj, KA ARDHUR KOHA, që sa më parë përmes VOTËS, Prizreni ta ndërrojë formën e qeverisjes.
Në fund s’ka nevojë për ndonjë koment tjetër, pos kundërpërgjigjen ndaj Dështak Mytës, ta mbylli duke kujtuar deklarimin e Asamblistëve të Vetëvendosjes në organin më të lartë të Prizrenit, në Kuvend, kur kryetarit të tyre, publikisht i thanë “TURP TË KESH”!/InLajmi/
