Rozafa Kelmendi, zëdhënësja e Qeverisë së Kosovës ka reraguar lidhur me diskutimet që u bënë me fustanin e bijës së kryeministrit të vendit, Albin Kurti, për shkak të çmimit të lartë, përcjell InLajmi.
Kelmendi ka sqaruar se fustanet me të cilët u panë vajza dhe bashkëshortja e kryeministrit Albin Kurti, në Kanë, i kanë huazuar nga 2 kreatore kosovare.
Ndërkaq ato do t’i kthejnë fustanet sapo të vijnë në Kosovë
Ndryshe, në postimet që qarkulluan në rrjetet sociale u tha se fustani i Leas, vajzës së Kurtit, u kushton 490 dollarë.
Postimi i plotë i saj:
I quajtur “The Strawberry Dress,” fustani me dredhëza të vogla të qëndisura, u bë ndër veshjet më të popullarizuara në internet gjatë kohës së pandemisë.
Në Festivalin e filmit në Kanë, ku sot u dha premiera botërore e filmit nga Kosova, “Pa vend”, vajza e kryeministrit, Lea pati të veshur fustanin e dizajnuar nga Lirika Matoshi, i punuar nga gratë e Kosovës.
Kryeministri ndodhet në Kanë në përkrahje të filmit kosovar dhe bashkëshortja e tij, ka huazuar dy fustanë për veten dhe fustanin me dredhëza për të bijën, të disenjuara nga kreatoret kosovare Teuta dhe Lirika Matoshi. Me t’u kthyer në Prishtinë fustanët do t’u kthehen kreatoreve./InLajmi/
