Anëtari i PDK-së, Sami Lushtaku, ka thënë se i beson tërësisht ish-gjyqtarit të EULEX-it, Malcolm Simmons, në deklaratat e tij.
Për 15 vjet me radhë është maltretuar nëpër gjykata për një vrasje ndërkohë që gjyqtarët nuk i tregonin as emrin e personit që supozohej që kishte vrarë,tha ai për T7
“Nuk kam asnjë arsye që mos t’i besojë, për vet faktin që ka qenë njëri prej figurave qendrore të EULEX. Vërtet i ka ditur të gjitha zhvillimet brenda EULEX-it. Cila është arsyeja e tij e mardh në Kosovë dhe me shpif. Mendoj se i ka thënë gjërat e vërteta dhe mendoj se mediat dhe institucionet duhet të merren me deklaratat e tij sepse vërtet në Kosovë ka ndodhur dicka që nuk ka ndodhur në asnjë pjesë të botës. Akuzat kanë qenë të rënda. Unë jam akuzuar për një vrasje edhe pse unë gjatë gjithë kohës kam kërkuar me ngulm të dijë emrin e atij që e kam vrarë. Është dashur të ketë prova dhe dëshmi për atë që ka ndodhur në rastin “Drenica”. Jo vetëm me mua por edhe kolegët. Një dëshmitar e kam parë në një emision për rastin Demaku ishte plagosur në vitet e 80-ta dhe akuzonte ushtarët e UCK-së sikur rasti të kishte ndodhur gjatë luftës”, ka thënë ai.
