Sot pritet që të zhvillohet takimi në mes të presidentit amerikan Joe Biden dhe kancelares gjermane Angela Merkel në Shtëpinë e Bardhë, përcjell InLajmi.
Këtë takim e ka komentuar edhe kreu i Aleancës për Ardhmërinë e Kosovës, Ramush Haradinaj.
Ai përmes një postimi në rrjetin social Instagram, ka shkruar se ky takim është i nevojshëm për të adresuar të gjitha çështjet e hapura në Ballkan.
Postimi i plotë i tij:
Takimi midis Biden dhe Merkel është i mirëpritur dhe i nevojshëm për të adresuar të gjitha çështjet e hapura në Ballkan. Qëndroj i bindur se udhëheqësit e botës së lirë do të bien dakord për përshpejtimin e arritjes së marrëveshjes mes Kosovës dhe Serbisë për njohjen reciproke./InLajmi/
