Haradinaj-Kurtit: A don me u kthy apo e ke lënë Qeverinë në duart e Hysenit e Liburnit

Ramush Haradinaj, kryetari i Aleancës për Ardhmërinë e Kosovës (AAK), s’po i ndalë kritikat ndaj kryeministrit të vendit, Albin Kurti, i cili po vazhdon të qëndrojë në Greqi, përcjell InLajmi.

Haradinaj e ka pyetur Kurtin se a don me u kthy në Kosovë apo e ka lënë Qeverinë në duart e Hysenit e Liburnit.

“Pse po nënshkruani tenderë të paligjshëm dhe mundoheni të mashtroni që i keni gjetë? Po, i keni gjetë, por me vendimet për anulim”, ka shkruar Haradinaj, në një postim në Facebook.

Postimi i plotë i tij:

Albin, a don me u kthy në Kosovë apo e ke lënë Qeverinë në duart e Hysenit e Liburnit? E keni punësu mjeshtrin për mashtrime me tenderë, në mënyrë që Liburni me i shpërbly punëdhënësit e vet.

Pse po nënshkruani tenderë të paligjshëm dhe mundoheni të mashtroni që i keni gjetë? Po, i keni gjetë, por me vendimet për anulim.

Qasja juaj opozitare e manipulimit dhe dezinformimit është e rrezikshme për shtetin e Kosovës, sidomos kur ju sot jeni duke e udhëhequr shtetin!

RH/InLajmi/