Është njoftuar se në QKMF në Deçan, ka rënë numri i pacientëve që po kërkojnë ndihmë si shkak i helmimeve, përcjell InLajmi.
Drejtori i QKMF-së, Selmon Berisha ka thënë se në 24 orët e fundit kanë kërkuar ndihmë gjithsej 250 banorë të kësaj komunë dhe gjendja e tyre është stabile.
“Për 24 orë prej ditës se nesërme deri në orën 07:00 në mëngjes janë 252 pacientë. Ndërsa, nëse bëjmë krahasimin me 24 orët paraprake janë 58 pacientë më pak se ditën paraprake. Si duket është në rënie, po shpresojmë që ditëve të ardhshme të bie ky fluks. Dhe sot situata para dreke është më e qetë në krahasim me ditën e djeshme.”
Ai shtoi se shumica e pacientëve kanë marrë terapi paranterale dhe kanë shkuar në shtëpi në gjendje të mirë.
Zakonisht të gjithë pacientët që janë rehatuar tek ne, kanë marrë terapi paranterale, kanë marrë infuzion dhe janë shkuar në shtëpi. Një numër shumë i vogël ka shkuar në Spitalin Regjional të Pejës dhe Gjakovës. Por kanë shkuar shumë te vilet, ne nuk i kemi referuar, por edhe gjendja e atyre që janë në shtëpi dhe atyre që kanë marrë ndihmë në spitalet regjionale është gjendje e mirë”./InLajmi/
