Në lagjen Arbëria në Prishtinë është bërë e ditur se sot rreth orës 12:25, një fëmijë ka rënë nga lartësia e një objekti, përcjell InLajmi.
Policia dhe ekipet mjekësore kanë dalë menjëherë në vendngjarje, ndërkohë që po punohet për zbardhjen e rrethanave të rastit.
Lajmi për gazetën InLajmi, është konfirmuar nga zëdhënësi i Policisë së Kosovës për Rajonin e Prishtinës, Agron Borovci.
“Rreth orës 12:25, është raportuar se në rrugën “Kasem Haxhimurati” në lagjen Arbëria në Prishtinë, një fëmijë ka rënë nga një lartësi e një objekti. Policia menjëherë ka dalë në vendin e ngjarjes dhe po punon për zbardhjen e rrethanave që karakterizojnë rastin. Po ashtu janë ftuar edhe ekipet mjekësore për dhënien e ndihmës së nevojshme”, thuhet në përgjigjen e Policisë./InLajmi/
