Në magjistralen Prishtinë-Ferizaj, rreth orës 11:00, ka ndodhur një aksident mes 2 veturave, përcjell InLajmi.
Nga aksidenti në fshatin Llugaxhi, një person ka mbetur i lënduar dhe të njejtit i është ofruar ndihmë mjekësore.
Lajmi është konfirmuar për gazetën InLajmi, nga zëdhënësi i policisë në rajonin e Prishtinës, Agron Borovci.
“Rreth orës 11:00, në fshatin Llugaxhi, respektivisht në udhëkryqin e rrugës Prishtinë-Ferizaj, ka ndodhur një aksident komunikacioni rrugor, në mes të 2 automjeteve. Si pasojë e këtij aksidenti, deri më tani një person ka kërkuar ndihmë mjekësore dhe të njëjtit i është ofruar trajtimi i nevojshëm mjekësor. Njësia rajonale e trafikut ka dalë në vendin e ngjarjes dhe ka nisur një hetim lidhur me rrethanat e këtij aksidenti”./InLajmi/
