Presidentja e Kosovës, Vjosa Osmani me rastin e Ditës së Bastillës, ka drejtuar urimet e saj për popullin francez, përcjell InLajmi.
Presidentja me anë të një video-mesazhi të publikuar në rrjetin e saj social Facebook, ka treguar që ka nisë të marrë leksione të gjuhës franceze dhe është shprehur e lumtur që në një ditë feste ka arritur t’i drejtohet Presidentit Macron si dhe popullit francez në gjuhën e tyre amtare.
Osmani në video ndanë pamje nga zyra ku duket edhe një mësuese gjatë procesit të mësimit të gjuhës frënge.
Në videon e saj, Presidentja shprehet se bashkëpunimi dhe marrëdhëniet e shkëlqyera mes 2 vendeve janë shumë të rëndësishme për Kosovën dhe për perspektivën e saj europiane./InLajmi/
