Një pajisje e re e cila mbështillet rreth gishtit, është menduar si diçka e re që mund të gjenerojë energji, transmeton InLajmi.
Pajisja e vogël, gjatë fjetjes mbledh djersë dhe e kthen atë në energji. Por, krijuesit e saj kanë njoftuar se për momentin ka një kapacitet shumë të ulët të mbledhjes dhe për të furnizuar me energji të mjaftueshme një smartphone, do të duhej të mbahej rreth 3 javë në gisht.
Krijuesit e këtij inovacioni, janë ngë San Diego, pjesë e Universitetit të Kalifornisë, dhe kanë shumë shpresë që të rrisin kapacitetin e pajisjes në një të ardhme të afërt.
Nga hulumtimet që bënë mbi krijim e tyre, ata zbuluan që mbajtja e çipit në majë të gishtit për 10 orë, krijonte energji për të furnizuar një orë dore për 24 orë të plota.
Shumica e pajisjeve të krijuara deri tani për prodhimin e energjisë kërkojnë që përdoruesit të kryejnë ushtrime të forta ose varen nga burime të jashtme siç janë rrezet e diellit. Ndërsa, shiriti i ri përdor një sistem pasiv për të gjeneruar energji elektrike nga lagështia e majës së gishtave, edhe në pozicion gjumi apo të palëvizshëm, shkruan DailyMail.
Kjo energji krijohet pasi majat e gishtave janë pjesa më e djersitur e trupit, kështu që, falë një materiali inteligjent sfungjeri, pajisja e mbledh këtë djersë dhe e përpunon nga përçuesi duke e rikthyer në energji./InLajmi/
