Facebook do të nxjerrë një tipar të ri, të quajtur “ekspertë” brenda grupeve të drejtuara nga përdoruesit e rrejtit social, transmeton InLajmi.
Nga rrjeti social u tha se ky opsion i ri është krijuar për të ndihmuar ekspertët e vërtetë, që “të spikasin” në diskutimet rreth fushës së tyre të ekspertizës.
Administratorët e grupit do të kenë fuqinë t’i japin titullin gati çdo anëtari që ata dëshirojnë, kjo gjë nënkupton se ata që promvojnë teori konspirative apo pikpamje të skajshme për tema të caktuara mund të jenë në gjendje të caktohen si “ekspertë”.
Grupet në Facebook janë përdorur kohët e fundit nga lëvizje të tilla si QAnon, grupe anti-vaksinimi dhe fraksione të diskutueshme politike të cilat kanë përhapur dezinformata.
Ndërsa kujtojmë që në fillim të këtij viti, Facebook ndryshoi politikat e tij për të hequr grupe që dekurajojnë njerëzit nga marrja e vaksinave, dhe gjithashtu ndaloi rekomandimin e grupeve politike për anëtarët e rinj, shkruan BBC.
Sidoqoftë, një zëdhënës i Facebook tha se grupet do t’u nënshtrohen standardeve dhe se njerëzit që marrin më shumë se 3 “paralajmërime” për shkeljen e këtyre standardeve në 90 ditët e fundit, nuk do të kenë të drejtë të shënoheshin si “ekspertë”./InLajmi/
