Pas triumfit të Wembley, kombëtarja italiane e futbollit përjetoi një tjetër ditë plot me takime. Rikthimi i futbollistëve në Romë u shoqërua nga tifozët që ishin gjithnjë me axurrët në këtë udhëtim të gjatë që prej hotelit deri në mbërritjen në pallatin presidencial si etapa e parë e një dite të ngjeshur.
Ende nuk jemi të përgjegjshëm për këtë që kemi bërë kishte deklaruar trajneri Mancini para takimit me Presidentin e Republikës Sergio Matarella. Një takim informal në oborrin e pallatit Quirinale, ku kreu i shtetit përshëndeti futbollistët për trofeun e fituar.
Më pas autobusi me skuadrën rimori rrugën nëpër kryeqytetin italian mes turmave të njerëzve deri në Palazzo Chigi. Për të pritur kombëtaren në Sheshin Kolona ishte Kryeministri Mario Draghi i cili nuk i rezistoi një fotografie me kupën në duar, shkruan tvklan.al
Më pas festa vazhdoi me ekipin që u ngjit në një autobus të hapur për një xhiro në qendrën historike të kryeqytetit. Mes koreve dhe përshëndetjeve e ngritën kupën disa herë për t’ia treguar mijëra italianëve. Një ditë krenarie kombëtare ku çdo gjë ishte me ngjyrat blu për një trofe që pritej prej 53 vitesh.
