Presidenti i Shqipërisë, Ilir Meta ka reaguar ndaj situatës së krijuar në qytetin e Deçanit, sa i përketë të helmuarve, përcjell InLajmi.
Meta i ka uruar shërim sa më të shpejt qytetarëve dhe ka thënë se me besimin e plotë se institucionet shtetërore përgjegjëse dhe drejtësia në Republikën e Kosovës i kanë të gjitha kapacitetet dhe po bëjnë përpjekjet e duhura për zbulimin e këtij rasti.
Tutje Presidenti i Shqipërisë ka thënë se Qeveria shqiptare do t’u gjendet pranë, sipas mundësive, me ekspertizë dhe çdo ndihmë të nevojshme.
Postimi i plotë i tij:
Me shqetësim po e përcjell situatën emergjente në komunën e Deçanit.
Qytetarëve të helmuar ju uroj shërim sa më parë dhe tejkalimin pa pasoja të kësaj situate.
Familjeve të tyre ju shpreh mbështetjen dhe solidaritetin tim më të thellë.
Me besimin e plotë se institucionet shtetërore përgjegjëse dhe drejtësia në Republikën e Kosovës i kanë të gjitha kapacitetet dhe po bëjnë përpjekjet e duhura për zbulimin, zbardhjen e shkaqeve dhe kapërcimin e tyre, e nxis Qeverinë shqiptare t’u gjendet pranë, sipas mundësive, me ekspertizë dhe çdo ndihmë të nevojshme.
Shqipëria dhe Kosova gjithmonë krah njëra-tjetrës! /InLajmi/
