Presidentja Vjosa Osmani ka vizituar sot Komunën e Deçanit,e cila po përballet me një situatë emergjente nga helmimi i më shumë se 1.500 qytetarëve, raporton InLajmi.
Osmani nga Deçani kështë shprehur se janë helmuar edhe qytetarë që nuk janë furnizuar nga burimi i njejtë prej të cilit dyshohet se janë helmuar qytetarët deçanas.
Presidentja ka kërkuar nga institucionet e drejtësisë dhe hetuesisë që të trajtohet kjo situatë me urgjencë.
“Ka edhe qytetarë që vinë nga fshatrat tjerë e që s‘janë furnizuar nga ai burim i ujit. Përveç analizave kimike ne po i presim edhe ato biologjike që presim që brenda disa orëve të përfundojnë. Pres që institucionet e drejtësisë dhe ato të hetuesisë ta trajnojë rastin me urgjencë dhe sa më parë që të jetë e mundur ta dimë shkakun e helmimit“, është shprehur ajo.
Po ashtu Presidentja ka kërkuar që sa më shpejtë të zbulohet burimi i këtij infeksioni./InLajmi/
