Kryetari i Komunës së Rahovecit, Smajl Latifi ka shprehur shqetësimin e tij në lidhje me helmimet në Deçan, përcjell InLajmi.
Ai përmes një postimi në Facebook ka thënë se po ndjek me shqetësim situatën e krijuar dhe punën e kryetarit Ramosaj, i cili po bën të pamundurën për përballim të situatës.
Latifi ka ofruar ndihmën e tij të pakursyer për të gjithë qytetarët e Deçanit.
Postimi i plotë i tij:
Me shqetësim po i përcjell lajmet rreth situatës së krijuar nga helmimet në komunën e Deçanit dhe përkushtimin e Kryetarit, i cili po bën krejt çka është e mundur për ta përballuar këtë situatë.
Gjatë bisedës me kryetarin Bashkim Ramosaj, ia konfirmova gatishmërinë e Komunës së Rahovecit për t’i ofruar ndihmën e saj të pakursyer qytetarëve të Deçanit për të tejkaluar këtë situatë të rëndë. Të gjithë qytetarëve shërim sa më të shpejtë!/InLajmi/
