Ish-ambasadorja e Kosovës në SHBA, Vlora Çitaku, ka reaguar më një shkrim pas helmimeve në qytetin e Deçanit, përcjell InLajmi.
Çitaku ka bërë thirrje për kujdes të shtuar, duke thënë se përderisa nuk ka një përgjigje nga Institucionet, ne të gjithë duhet të ofrojmë ndihmë ku mundemi e të dëgjojmë rekomandimet e IKSHPK-së.
Postimi i plotë i saj:
1500 qytetar të Kosovës janë helmuar gjatë 72 orëve të fundit në Komunën e Deçanit.
Ne të gjithë, pa përjashtim, duhet të kërkojmë nga Institucionet relevante që sa më parë të dalin me informata të sakta lidhur me atë se çfarë ka ndodhur, si dhe të ofrojmë ndihmë aty ku mundemi.
Në të njejtën kohë, situatat si kjo, kur nuk kemi ende një përgjigje nga Institucionet lidhur me atë që ka ndodhur, shumë lehtë përdoren nga ata që duan të përhapin propaganda të rrezikshme.
Ju lutem keni kujdes, dhe dëgjoni me vëmendje rekomandimet e IKSHPK-së./InLajmi/
