Para deputetëve të Komisionit për Legjislacion, është duke raportuar ish- kryetari i asamblesë së gjyqtarëve të EULEX-it, Malcom Simmons, ku ka thënë se ky mision ka pasur objektiva politike në Kosovë, raporton InLajmi.
Gjatë këtij raportimi Simmons ka thënë se kishte direktiva që gjykatësit e këtij misioni t’i largonin nga skena politike disa politikanë që konsideroheshin si “peshqi të mëdhenj”, duke i dënuar.
“Më kanë thënë se misioni ka synuar të largojë nga jeta politike persona që quheshin peshqi të mëdhenj. Më thanë se presin të shohin gjykatësit e EULEX-it t’i dënojnë ata”, tha Simmons.
Nga kjo Simmons ka thënë para deputetëve se në rast se do të hapin një hetim të plotë, ai mund të i ofroj detaje të plota ku ka pas ndërhyrje në hetime.
“Nëse ju vendosni të hapni një hetim të plotë, unë dua t’ju ofroj detaje të plota të rasteve kur ka pasur ndërhyrje në hetime”, tha Simmons. /InLajmi/
