Kryetari i komunës së Deçanit, Bashkim Ramosaj ka infromuar publikun për gjendjen në komunë pasi që një numër i madh i qytetarëve dyshohet se janë helmuar nga uji, përcjell InLajmi.
Sipas Ramosaj deri më tani gjendja është stabile dhe se në terren kanë dalë stafi i QKMF-së, Policia, Instituti Rajonal i Shëndetit Publik, Inspektoriati Komunal, Sherbimet Publike si dhe përfaqësues nga KRU “Hidrodrini”.
Tutje i pari i komunës ka shkruar se çdo institucion do ti kryjë me përgjegjësi e përkushtim detyrat që i takojnë.
Postimi i plotë i tij:
Së bashku me të gjithë akterët përgjegjës nga QKMF ,,Adem Ukëhaxhaj”, komandantin e Policisë, Institutin Rajonal të Shendetit Publik, Inspektoriatin Komunal, Sherbimet Publike dhe Kompanin Rajonale të Ujësjellësit ,,Hidrodrini” jemi duke e përcjellur situatën nga afër për ,,Helmimet” e ndodhura në Deçan.
Ç’do institucion do i kryjë me përgjegjësi e përkushtim detyrat që i takojnë.
Edhe pse sot gjendja është më stabile, ju garantoj që nuk do ndalemi deri sa të zbardhet e tërë kjo situatë.
Deri atëher ju lutëm për kujdes sipas rekomandimeve të institucioneve përkatëse.
Edhe kjo sfidë kalohet, ama përgjegjësia do ketë adresë. /InLajmi/
