Me 5 gola të shënuar, Cristiano Ronaldo e ka fituar çmimin “Këpuca e Artë”, si golashënuesi më i mirë në Kampionatin Evropian Euro 2020.
Superylli portugez shënoi në të gjitha ndeshjet e fazës grupore, megjithatë dështoi të realizonte ndaj Belgjikës në 1/8 e finales kur Portugalia u eliminua.
Përkundër eliminimit të hershëm, askush nuk ia doli të shënonte më shumë gola se CR7 në turneun të cilin e fitoi Italia duke mposhtur Anglinë në finale pas penalltive.
Patrik Schick i Republikës Çeke shënoi po aq gola sa Ronaldo, mirëpo mbeti prapa 36-vjeçarit, për faktin se ky i fundit dhuroi edhe një asistim, si dhe zhvilloi më pak minuta se sulmuesi i Bayer Leverkusenit.
Ndryshe, superylli i Juventusit u bë edhe golashënuesi më i mirë në histori të Kampionateve Evropiane me 14 gola të shënuar.
Po ashtu, me 109 gola të realizuar për Portugalinë, ai e barazoi rekordin me legjendën iraniane, Ali Daei, si golashënuesit më të mirë me ekipet përfaqësuese, përcjell Telegrafi
Pozita Lojtari Minutazhi Golat Asistimet
Cristiano Ronaldo (POR) 360 5 1
Patrik Schick (R.ÇEKE) 404 5 0
Karim Benzema (FRA) 349 4 0
Emil Forsberg (SUE) 371 4 0
Romelu Lukaku (BEL) 444 4 0
Lista me 5 golashënuesit më të mirë të Euro 2020
