Miliarderi britanik, Richard Branson ka arritur me sukses në hapësirë, me avionin e tij raketë Virgin Galactic, transmeton InLajmi.
Sipërmarrësi nga Mbretëria e Bashkuar, ka fluturuar lart mbi New Mexico të SHBA-së me sondën hapësinore që kompania e tij e ka zhvilluar për 17 vjet të tëra.
Branson u kthye i sigurt në tokë pas një ore që u largua, ndërsa tha se ky udhëtim ishte përvoja e një jete të tërë.
“Unë e kam ëndërruar këtë moment që kur isha fëmijë, por sinqerisht asgjë nuk mund t’ju përgatisë për pamjen e tokës nga hapësira,” tha ai në një konferencë shtypi pas fluturimit. “E gjithë gjëja ishte thjesht magjike”, shkruan BBC.
Udhëtimi i realizuar në hapësirë e bën britanikun të parin nga pionierët e rinj të turizmit hapësinor që provoi avionin e tij hapësinor, duke mundur kështu Jeff Bezos të Amazon dhe Elon Musk të SpaceX./InLajmi/
