Microsoft u ka kërkuar përdoruesve të Windows të instalojnë menjëherë një përditësim, pasi studiuesit e sigurisë kanë gjetë një dobësi serioze në sistemin operativ, transmeton InLajmi.
E meta e sigurisë, e njohur si PrintNightmare, ndikon në shërbimin Windows Print Spooler. Ndërsa, janë vetë studiuesit në kompaninë e sigurisë kibernetike të cilët kanë publikuar aksidentalisht një udhëzues se si të shfrytëzohet PrintNightmare.
Studiuesit në fund të muajit Maj, kanë postuar se kanë gjetur një dobësi në sistem, që lejon përdoruesit të shumtë të hyjnë në një printer. Ata po ashtu kanë botuar një dëshmi të konceptit gabimisht e cila u fshi por fillimisht u shpërnda në vende tjera, përfshirë një faqe hakerësh GitHub.
Microsoft ka paralajmëruar që hakerat që shfrytëzojnë atë dobësi mund të instalojnë programe, të shikojnë dhe të fshijnë të dhëna ose edhe të krijojnë llogari të reja të përdoruesve me të drejta të plota të përdoruesëve. Kjo u jep hakerëve komandë dhe kontrollë të mjaftueshme në PC tuaj për të bërë ndonjë dëm serioz.
Windows 10 nuk është versioni i vetëm i prekur nga kjo, edhe Windows 7 i nënshtrohet të njejtës dobësi.
Përkundër njoftimeve të mëparshme se nuk do të lëshonte më përditësime për Windows 7, Microsoft sërish lëshoi një për sistemin e saj operativ 12-vjeçar, duke nënvizuar ashpërsinë e defektit të PrintNightmare, shkrun CNN.
Përditësimet për Windows Server 2016, Windows 10, version 1607 dhe Windows Server 2012, nga kompania u njoftua se do të priten së shpejti./InLajmi/
