Kompania Rajonale e Ujësjellësit “Hidrodrini” në Deçan ka njoftuar publikun që pas dyshimeve për helmim shëndetësorë nga uji, kanë treguar se mbrëm deri vonë se bashku me staf të specializuar të IKSHPK-së në Pejë kanë marrë mostra të ujit për analizë, përcjell InLajmi.
Sipas njoftimit të tyre kanë treguar se janë në pritje të rezultateve të analizve ku edhe do të barten zyrtarisht të KRU “Hidrodrini” për të i infromuar publikun.
Nga KRU “Hidrodrini” kanë thënë se nuk mund të të konstatojnë nëse me të vërtet qytetarët janë helmuar në nga ujit, tutje nga kjo kompani i kanë uruar shërim të gjith atyre që janë prekur nga ky helmim.
Njoftimi i plotë nga Hidrodrini:
NJOFTIM SHTESË për konsumatorët e Deçanit
KRU ‘Hidrodrini’-Pejë / Njësia Operative-Deçan
Pas shqetësimeve të shfaqura nga banorët e fshatrave Prejlep, Rastavicë, Irzniq, Gllogjan, Shaptej, Gramaqel, Baballoq, Ratishë dhe Jasiq i ri, mbi dyshime për helmim shëndetësorë Ekipet e përbashkëta të KRU ‘Hidrodrini’-Njësia Deçan së bashku me staf të specializuar nga IKSHPK, respektivisht IRSHP-Pejë, gjatë tërë ditës së djeshme e deri mbrëmë vonë kanë marrë mostrat e ujit në fshatrat e sipërshënuar dhe të njejtat i janë nënshtruar analizës laboratorike.
Rezultatet janë në pritje dhe përpunim dhe të njejtat do të barten zyrtarisht tek KRU ‘Hidrodrini’ për tu publikuar për opinion.
Deri në arritjen e rezultateve konsumatorët e fshatrave në fjalë janë të lutur (APELOHEN) që ujin mos ta përdorin për pije!
Poashtu deri në arritjen e rezultateve, nuk mund të konstatohet asgjë në zbardhjen e dyshimeve për ujë të helmuar ose jo!
Për të gjithë personat që kanë shfaqur shqetësime shëndetësore dhe simptoma, KRU ‘Hidrodrini’ uron ti tejkalojnë sa më shpejt duke ju kthyer shëndetit të plotë!
Me respekt;
Zyra për Media e KRU ‘Hidrodrini’-Pejë /InLajmi/
