Komiteti Olimpik i Kosovës, ka prezantuar uniformën e ekipit olimpik të Kosovës për Lojërat Olimpike “Tokyo 2020”, raporton InLajmi.
Ismet Krasniqi, president i KOK-ut, u shpreh se ngjyrat bazë të uniformave janë bardhë e kaltër.
“Sot e kemi prezantimin e uniformave të Komitetit Olimpik të Kosovës. Ne kemi pranuar sasi të konsiderueshme të uniformave ku kualiteti ka qenë mjaft i mirë dhe na kanë ardhur me kohe. Kosova merr pjesë me 11 atletë në Tokyo 2020 dhe 6 norma olimpike. Element bazë janë ngjyrat e flamurit bardh, katërt. Ekipi jonë do të jetë në Tokyo me ngjyra të flamurit”.
Ndërsa, sportisti në mundje, Egzon Shala, tha se janë përgatitur mjaftueshëm për Lojërat Olimpike.
“Është hera e parë që jemi duke udhëtuar në gara kaq të rëndësishme dhe ka simbolet e lashta ilire dhe jemi përgatitur qe një kohë për këto gara dhe besojë se do të kemi sukses dhe pritjet tona janë se do të futemi në garën e medaljes”.
Kurse, trajneri Besim Brahimi, shtoi se janë duke bërë përgatitjet në Kosovë.
“Janë duke na ecur mirë dhe falënderojë KOK për përkrahje si grup i boksit dhe pres t’i sjellim medalje”.
Edhe, përfaqësuesja e laboratorit “Olive”, Antigona Cenaj u shpreh se në emër të laborantit ndihen të lumtur për këtë bashkëpunim.
“Edhe ne kemi të njëjtin synim të jemi kampion në fushën tonë”.
Dhe në fund u nënshkrua një kontartë 4-vjeçare e KOK-ut me laboratorin Olive./InLajmi/
