Instituti për Politika Sociale “Musine Kokalari”, ka publikuar raportin “Ndikimi Social i Hidrocentraleve në shoqërinë tonë”, raporton InLajmi.
Koordinatori i projektit në këtë institut është shprehur se hulumtimi është i bazuar në intervistat që janë bërë në terren.
Ai shoti se sipas Kelkos Energy, investimet për ndërtimin e 3 hidrocentraleve në Deçan arrijnë shumën e 53 milionë eurove.
Ai tha se në hulumtim është gjetur edhe shkelje e Ligjit për Ujërat.
“Gjatë këtij hulumtimi objekt studimi e kemi pasur Grykën e Deçanit. Hulumtimi është bazuar duke marr parasysh dy lloje të burimeve. Të gjeturat janë mbështetur në informatat e marra gjatë intervistave. Gjatë hulumtimit i kemi evidentuar disa të gjetura e njëra ndër to është shkelja e të drejtave politike. Edhe diskutimi publik ka qenë i organizuar keq duke pamundësuar pjesëmarrjen e qytetarëve”.
“Sipas Kelkos Energy investimet për ndërtimin e 3 hidrocentraleve arrijnë shumë e 53 milionë eurove. Premtimet për rimëkëmbjen mjedisore nuk janë adresuar asnjëherë dhe i është dhënë përparësi koncesionit jo transparent. Një e gjetur tjetër është shkelja e Ligjit për Ujëra ku është dhënë pa proces konkurrues”.
Ndërsa edhe drejtori i Bordit në Institutin për Politika Sociale, Belgzim Kamberi, pati edhe disa rekomandime.
“Ne mendojmë që duhet të specifikohen detajet e debatit publik dhe të përcaktohen hapësira e cila duhet të jetë, të mbahen tri dëgjime publike për një licencë”.
“Në rast së vendosjes licenca të jepet përmes procedurës me koncesion. Leja nga ZRrE-ja të jetë në përputhje me parimin bazë për ndërtimin e hidrocentraleve”./InLajmi/
