Mbi 800 qytetarë deçanas kanë kërkuar ndihëm mjekësor në Qëndren Kryesore të Mjekësisë Familjare “Adem Ukëhaxhaj” në Deçan, të cilët dyshohen se janë të helmuar nga uji, raporton InLajmi.
Përmes një konferencë për media, i pari i Deçanit, Bashkim Ramosaj ka thënë se që nga dita e shtunën shumë qytetarë kanë kërkuar ndihmë në QKMF, e deri më sot numri ka arritur në 884 persona.
“Deri tash janë afro 884 pacientë që kanë simptoma të njëjta. Intensiteti i pacientëve në ditën e sotme është në rënie e sipër”, ka thënë Ramosaj.
Ramosaj ka bërë të ditur se vetëm gjatë ditës së shtunë kanë kërkuar ndihmë 164 pacientë dhe që është dyshuar për sëmundje virale sezonale, mirëpo nga mbrëmja ka filluar të rritet numri i qytetarëve dhe dyshimi i vetëm ka qenë uji i pijes.
“Ne kemi marrë vendim që uji të mos përdoret. Kemi ftuar prokurorinë, hetuesit, policinë e shtetit, IKSHPK-në, kompaninë “Hidrodrini” të cilët janë duke e kryet punën që të kemi një ekspertizë të saktë. Rezultatet kanë dalë që kimikisht nuk ka probleme me ujë të pijes është i përdorshëm, por po i presim analizat biologjike që do të na jepin një rezultat më të saktë”, tha Ramosaj.
Tutje ai ka bërë të ditur se është hera e 2-të brenda një muajit që po raportohet për raste të tilla.
“Është hera e 2-të brenda një muaji që po raportohet për raste të tilla, që na kanë bërë të dyshojmë që këto mund të jenë të qëllimshme dhe kjo le të mbetet në kompetencë të prokurorisë që të vërtetojë”, ka përfunduar ai. /InLajmi/
