Kandidati për kryetar të Prishtinës, Daut Haradinaj ka prezantuar Vasilika Zotaj-Asllani, drejtoreshë e Administratës në Komunën e Prishtinës, si kandidate nga radhët e AAK-së për Asamble në Kryeqytet, përcjell InLajmi.
Haradinaj kandidimin e Zotaj-Asllanit për Asamble e ka bërë të ditur përmes një postimi në Facebook, ku ka thënë se Vasilika është një aktiviste e devotshme e Alencës, si dhe ka shkruar për profilin e saj profesional.
Postimi i tij i plotë:
Në garën tonë për Kryeqytetin do të jetë edhe Vasilika Zotaj Asllani, e cila është njëra ndër drejtoreshat më të suksesshme në nivel komune. Ka përfunduar studimet ne universitetin “Aleksandër Xhuvani”, në shkencat ekzakte, dega Matematikë-Fizikë, ndërsa ka përfunduar studimet master për Integrime Evropiane, drejtimi ‘Politikat e Bashkimit Evropian’. Vasilika është aktiviste e devotshme në Aleancë prej shumë vitesh dhe autore e shumë analizave politike të publikuara. Lista jonë për Kryeqytetin pasqyron gjithëpërshirjen me një kastë ekspertësh dhe njerëzve të devotshëm./InLajmi/
