Ish-këshilltari i Hashim Thaçit, Adil Behramaj, ka reaguar së fundmi lidhur me deklaratat e ish-gjyqtarit të EULEX-it, Malcolm Simmons, përcjell InLajmi.
Këtë reagim, Behramaj e ka bërë përmes rrjeteve sociale, derisa tutje ka thënë se Kurti e Osmani, Gjykatën Speciale dhe EULEX-in vazhdojnë t’i shohin si shpresë për të qëndruar në pushtet.
“Kurti e Osmani, Gjykatën Speciale dhe EULEX-in vazhdojnë t’i shohin si shpresë për të qëndruar në pushtet, sepse thellësisht janë të vetëdijshëm që fitorja e tyre ishte si fitore në tavolinë, pa konkurrencë, pasi që tjetërkush u përkujdes ta eliminonte politikisht atë që në terren dhe tavolinë i kishte lodhur me fitore”, ka shkruar Behramaj.
Postimi i plotë i tij:
“Sundimin e ligjit” e kanë prioritet jo vetëm bashkësia ndërkombëtare në Kosovë, por deklarativisht edhe Kurti e Osmani.
Megjithatë, tejet e çuditshme është qysh u munduan ta izolojnë dhe heshtin Malcolm Simmonsin, ish kryegjykatësin e EULEX-it.
Ai, brutalisht, sot tregoi për fabrikimet politike në emër të drejtësisë që i ka bërë EULEX-i në Kosovë, përkundër që Kurti e Osmani as që kishin treguar interesim ta dëgjonin.
Nëse helbete sot e kanë dëgjuar, sigurisht u është kujtuar që në ato karrige janë ulur vetëm pasi që administratorët ndërkombëtarë të padrejtësive ua fabrikuan themeluesve të UÇK-së dhe të Republikës së Kosovës edhe një aktakuzë në emër të një “ndërmarrje të përbashkët kriminale”, që këtij populli ia solli lirinë dhe pavarësinë.
Kurti e Osmani, Gjykatën Speciale dhe EULEX-in vazhdojnë t’i shohin si shpresë për të qëndruar në pushtet, sepse thellësisht janë të vetëdijshëm që fitorja e tyre ishte si fitore në tavolinë, pa konkurrencë, pasi që tjetërkush u përkujdes ta eliminonte politikisht atë që në terren dhe tavolinë i kishte lodhur me fitore!/InLajmi/
