Kompania e Ujësjellësit Rajonal Hidrodrini, në Pejë, saktësisht Njësia Operative në Deçan ka bërë apel tek qytetarët e disa fshatrave që të mos e përdorin ujin për pije, përcjell InLajmi.
Sipas KRU Hidrodrini, kanë ardhur në këtë vendim për shkak të disa shqetësimeve të shprehura nga disa konsumatorë, mbi dyshime për helmim shëndetësorë.
KRU Hidrodrini ka bërë apel tek qytetarët që të mos e përdorin ujin për pije, deri sa Instituti Kombëtare i Shëndetësisë Publike të Kosovës te kthej analizën e ujit, për të vërtetuar që shqetësimet në fjalë janë të vërteta.
Postimi i plotë i tyre:
NJOFTIM ME RËNDËSI
KRU ‘Hidrodrini’ – Njësia Operative – Deçan
Pas disa shqetësimeve të shprehura sot të konsumatorëve të fshatrave Prejlep, Rastovicë, Irzniq, Gllogjan, Shaptej, Gramaqel, Baballoq, Ratishë dhe Jasiq i ri, mbi dyshime për helmim shëndetësorë, APELON tek konsumatorët e fshatrave të sipërshënuar që UJIN mos ta konsujnë për pije, deri në një njoftim të radhës.
Pas shfaqjes së dyshimeve të para, të pavërtetuara deri më tash, KRU ‘Hidrodrini’-Njësia Operative – Deçan, në koordinim edhe me autoritetet komunale, ka marrë të gjitha masat urgjente duke hulumtuar shkaqet e mundshme.
Njoftojmë se deri në këtë çast, nuk ka asnjë bazë të vërtetuar se shqetësimet në fjalë mund të kenë ardhur /ose/ mos ardhur, si pasojë e ujit. Andaj, deri në kthimin e analizës së Ujit nga ana e IKSHPK-së, ky APEL mbetet në fuqi.
Me respekt;
Zyra për Media e KRU ‘Hidrodrini’-Pejë /InLajmi/
