Një tornado e fuqishme zjarri është shënuar në Kaliforni, transmeton InLajmi.
Ekspertët thonë se tornado ka ardhur si pasojë e motit ekstrem të nxehtë që ka mbretëruar ditët e fundit.
Kujtojmë se Perëndimi i SHBA-së, po përballet me temperatura ekstreme që kanë sjellë edhe humbje jete. Tornadot e zjarrit janë fenomene shumë të rralla dhe mund të jenë edhe me përmasa të vogla, të tilla janë regjistruar në vend, vitet e fundit.
Në vitin 2018, Kalifornia kishte regjistruar një tornado zjarri me mbi 300 metra gjerësi dhe erë me shpejtësi prej 265 kilometrash në orë, ndërsa temperatura më e lartë brenda stuhisë së rrezikshme kishte arritur në 1.480 gradë Celsius, shkruan BBC.
Ekspertët janë shprehur se me rritjen e temperaturave që sjellin zjarre në natyrë, mund të presim edhe shtim të tornadove të ngjashme./InLajmi/
