Nënkryetari i komunës së Bujanocit, Shqiprim Musliu, është ftuar nga Ministria e Punëve të Brendshme të Serbisë që të paraqitet me datë 12 korrik në organet e policisë në Bujanoc, përcjell InLajmi.
Këtë e ka bërë me dije në rrjetet sociale vet Musliu, derisa shtoi se kjo ftesë ndërlidhet me siç e quan ai, provokimin që u është bërë në Konçul të Bujanocit, ku tek varri i dëshmorit Fatmir Ibishi, ishte vendosur një flamur i Serbisë dhe ishte hequr flamuri kombëtar shqiptar.
“Përsëris se vendosja e flamurit të Serbisë në atë lokacion paraqet një provokim për komunitetin dhe reagimi im ka qenë konform menaxhimit sa më të mirë dhe në qetësi të kësaj situate”, ka shkruar Musliu. /InLajmi/
