Udhëtimi hekurudhor në distanca të largëta dikur dukej i vështirë dhe si e vetmja zgjidhje, por që atëherë shumë gjëra kanë ndryshuar pasi që ky stil klasik udhëtimi po ringjallet sërish, transmeton InLajmi.
Udhëtimi më tren çdo herë e më shumë po shihet si një stil që po kthehet në jetën e njerëzve, pasi që shumë udhëtarë tani janë në kërkim të mënyrave më miqësore me mjedisin për të parë botën.
Kështu, projekte të shumë për trena janë në proces, përfshirë “trenin Dolce Vita” të Italisë, i cili do të bëjë të mundur udhëtim në 10 destinacione të ndryshme, përmes peisazheve më të njohura të vendit, e poashtu edhe “Trenat e Mesnatës”, një rrjet udhëtimi që pritet të vijë së shpejti i cili do të mundësojë shërbime brenda natës nga Parisi në 10 destinacione të ndryshme evropiane.
Sidoqoftë, diçka akoma më të re për udhëtarët planifikon të sjellë në jetë projektuesi francez Thierry Gaugain, duke çuar përvojën e udhëtimit hekurudhor në një nivel krejt tjetër me konceptin e tij të ri tepër luksoz. Ky tren do të jetë privat dhe mund ta ketë fat vetëm një njëri shumë i pasur.
Gaugain, ka punuar me projektuesin e njohur Philippe Starck nëpër projekte të panumërta, ai është i njohur për modelet e tij mbresëlënëse të jahteve, duke përfshirë një anije 80 metra të gjatë, të bashkëthemeluesit të Apple, Steve Jobs Venus. Megjithatë, koncepti për një tren super luksoz është përpjekja e tij e parë, shkruan CNN.
Në planin e tij, treni përshkruhet si një “pallat luksoz në shina”, me një gjatësi prej 400 metrash, me një qelq tepër të përparuar teknologjikisht dhe një brendësi luksi të paparë me herët./InLajmi/
