Anëtarët e KQZ-së nga Lëvizja Vetëvendosje, janë përplasur me anëtarët e partive të tjera në këtë institucion, raporton InLajmi.
Përplasja me fjalë mes anëtarev ka ardhur nga përpilimi I agjendës.
Nga Lidhja Demokratike, anëtari i KQZ-së, Florian Dushi tha se rendi I ditës duhet të përpilohet sipas nevojave të KQZ-së e jo siç ka dëshirë të vendosë anëtari Alim Rama.
“Te diskutojmë për formimin e këshillave. Në këshilla imponohen agjenda partiake dhe takimi i këshillit për operacione zgjedhore nuk ka arrit mu mbajt. Problemi është mënyra e përpilimit të rendit të ditës”.
“Zotimi publik çfarë ne e kemi pas në mbledhjen e fundit ka qenë për sekretariatin e jo për zotin Rama çka do me vendos vet pika të rendit të ditës. Rendi i ditës përpilohet bazuar në nevojat e institucionit. Pikë të veçantë ta kemi funksionimi i këshillave”.
Ndërsa, Arianit Elshani nga PDK, u shpreh se tendencat politike duhet të marrin fund.
“Keni shpreh pakënaqësinë me udhëheqjen e këshillit për operacione zgjedhore. Imponimi dhe tendencat politike duhet të ndalen. Një pikë e veçantë në rend dite të jetë diskutimi i funksionimit të këshillave. Po vërehet se këto këshilla kështu siç janë nuk janë funksionale”.
Alim Rama tha se agjenda duhet të jetë e njëjtë me atë që është dërguar në e-mail, duke shtuar se edhe ajo ka mangësi.
Ndërkohë që Kurteshi kërkonte sqarime për një pikë të rendit të ditës, Elshani donte sqarime në lidhje me atë çështje, por Kurteshi e ndërpreu duke i thënë se ai nuk mund të sqarojë, për shkak se Elshani nuk ka as përvojë e as fjalor më të gjerë se ai.
“Pse po e sqaron ti kur unë jam duke e diskutuar një çështje. Ma mirë sun e sqaron. Mua po më intereson Ahmetaj se po përzihet lista e votuesve. A është bre e mundur mos me ndërhy. Sun i shkurton se në të vërtetë nëse ndërhynë nuk e sqaron”.
“Nëse e njeh aspektin teknik shumë më mirë se unë. Çështja e 3-të është nëse ke fjalor shumë më të pasur me nja 20.000 fjalë, e unë i përdori nja 3.000. Ma bre, ma bre se nuk e ki as përvojën. Ma allahile, le këtë punë. Kur i ki krejt gabim unë nuk të ndërprejë sepse është mendimi yt”.
Si përfundim, në votimin e rendit të ditës, ishin anëtarët e VV-së që abstenuan./InLajmi/
