Kryeministri i Kosovës, Albin Kurti sonte ka zhvilluar një takim me kryeministrin e Greqisë, Kyriakos Mitsotakis, përcjell InLajmi
Pas takimit kryeministri kosovar me anë të një postimi në rrjetet sociale tregoi se çka foli me Mitsotakisin
Kurti tha se në takim u diskutua rëndësia e forcimit të marrëdhënieve mes 2 vendeve duke ditur lidhjen tonë historike.
Ai po ashtu në postimin e tij falënderoi Greqinë për mbështetjen që po i jep Kosovës në rrugën evropiane.
“Sonte në Athinë u takova me kryeministrin grek, Kyriakos Mitsotakis. Ne diskutuam për rëndësinë e forcimit të marrëdhënieve, duke konsideruar lidhjet tona historike. Kosova dëshiron të nxisë bashkëpunimin 2-palësh, gjithashtu si një element kryesor i stabilitetit rajonal afatgjatë. Mirënjohës Greqisë për mbështetjen që po na jep në rrugën tonë drejt BE-së”, u shprehë Kurti në postimin e tij./InLajmi/
