Krasniqi: Gjermania është mbështetëse për liberalizimin e vizave për Kosovën

Kryetari i Partisë Demokratike të Kosovës, Memli Krasniqi është takuar sot me drejtoreshën për Ballkanin Perëndimor në Ministrinë e Jashtme të Gjermanisë, Susanne Schütz, dhe me Ambasadorin Jörg Rohde, përcjell InLajmi.

Gjatë këtij takimi u bisedu për nevojën e një prespektive të qartë euroatlantike për Kosovën, dhe u pajtuam se për këtë duhet një përpjekje e shtuar nga të gjithë.

Tutje Krasniqi ka thënë se Gjermania është mbështetëse për liberalizimin e vizave për Kosovën dhe ne i jemi mirënjohës.

Postimi i plotë i tij:

Me Drejtoreshën për Ballkanin Perëndimor në Ministrinë e Jashtme të Gjermanisë, Susanne Schütz, dhe me Ambasadorin Jörg Rohde, folëm sot për nevojën e një perspektive të qartë euroatlantike për Kosovën, dhe u pajtuam se për këtë duhet një përpjekje e shtuar nga të gjithë.

Gjermania është mbështetëse për liberalizimin e vizave për Kosovën dhe ne i jemi mirënjohës. Por, BE sa më parë duhet ta përmbushë premtimin karshi qytetarëve tanë. Kosova beson në vlerat evropiane dhe integrimi në BE është alternativa jonë e vetme. Ne jemi të lumtur dhe krenarë që në rrugën tonë të shtetformimit, zhvillimit dhe integrimit kemi një aleat të rëndësishëm si Gjermania. /InLajmi/