Komisioni për Buxhet, Punë dhe Transfere ka miratuar në parim Projektligjin për Ratifikimin e Amendamentit të Marrëveshjes kornizë së kredisë ndërmjet Republikës së Kosovës dhe Bankës Zhvillimore të Këshillit të Evropës për financimin e projektit “Reagimi emergjent ndaj Covid-19”, raporton InLajmi.
Zëvendësministri i Financave Ilir Kapiti, tha se kjo marrëveshje kap vlerën e 60 milionë euro, ku 30 milionë prej tyre janë nga marrëveshja bazë, ndërsa se 25 milionë prej tyre do të shkojnë për blerjen e vaksinave.
“Marrëveshja ka për qëllim që të ofrojë shërbime mjekësore në veçanti për të prekurit nga virusi. Fondet shtesë kanë për qëllim mbulimin e kostos për planin kombëtar për vaksinim”.
“Marrëveshja kap vlerën prej 60 milionë euro, 30 milionë euro janë nga marrëveshja bazë dhe marrëveshja e amendamentit është 25 milionë euro. Esenca është që mjetet të përdoren sa më shpejtë”.
Deputeti i AAK-së, Pal Lekaj është shprehur se ka pasur vonesë në këtë drejtim dhe marrëveshja nuk ka produktivitet në afat të shkurtër.
“Sa i përket kësaj marrëveshje, kur implimentohet pas ratifikimit, kur fillon të zbatohet, prandaj ne jemi vonuar në këtë drejtim dhe ka qenë i domosdoshëm, nuk shoh produktivitet në kohën afatshkurtër”.
Ndërsa, deputeti i PDK-së, Bedri Hamza është shprehur se nuk është praktikë e mirë marrja borxh për shpenzime të paspecifikuara.
“Është një dritare e mirë që ne si Kosovë mund ta shfrytëzojmë, në marrëveshjen origjinale kanë qenë 25 milionë kredi për blerjen e vaksinave, por tash po shkoni përtej kësaj dhe unë besoj që nuk është praktik e mirë me hi borxh për shpenzimet e paspecifikuar”.
Eman Rrahmani nga VV-së, ka shtruar vetëm një pyetje në lidhje me marrëveshjen, “Sa është norma e interesit?”./InLajmi/
