Instituti Demokratik i Kosovës ka publikuar analizën me titull “Bordet e politikës” për Ligjin për ndërmarrjet publike dhe punën e tyre, raporton InLajmi.
Florent Spahija nga ky institut është shprehur se shumë herë gjatë emërimit të Bordit nuk është plotësuar numri i anëtarëve e sipas tij, kjo gjë ka penguar edhe funksionalizimin e Institutit.
Ai ka shtuar se në zgjedhjen apo emërimmin e anëtarëve të Bordit ka pasur mungesë profesionalizimi dhe integriteti.
Spahija u shpreh se nëse edhe Qeveria aktuale emëron njerëz të lidhur me politikën në Borde, atëherë një veprim i tillë duhet të eliminohet.
“Analiza ka të bëjë për vitin 2020 për shkak se këtë vit nuk jemi zgjeruar meqë bordet janë duke u emëruar. Ligji ka kritere të qarta se si përzgjidhen bordet dhe e rëndësishme është dallimi mes zgjedhjes dhe emërimit”.
“Ligji vlen për çdo Qeveri edhe në Qeverinë aktuale nëse ka emërime politike duhet të eliminohen”,
“Nëse kemi me zgjedhje atëherë ai është funksional për tre vite ndërsa ku ka të bëjë me emërim nuk ka të drejtë të ketë mandat më të gjatë se 6 muaj. Kriteret qe duhet të plotësohen është ai i profesionalizmit dhe këtu kemi gjet shkelje të shumta. Në rastin tjetër kemi edhe integritetin dhe ai është çelësi kryesor por në rastin konkret kemi qëllime dhe bordet në disa raste kanë qenë pa integritet”.
Ai tha se të emëruarit në Borde të ndërmarrjeve publike, zakonisht kanë qenë njerëz të lidhur direkt me politikën dhe kjo gjë ka bërë që të mos respektohet as barazia gjinore në emërim.
“Gjatë gjithë periudhës kohore të emëruarit në borde kanë qenë njerëz direkt të lidhur me politikën. Shkeljet gjatë hulumtimit janë ato që tregojnë se nuk është plotësuar kriteri për kualifikim, e 2-ta me barazinë gjinore sepse ka më shumë burra se sa gra”.
“Kriteri politik nuk ka qenë pjesë e kritereve kur janë emëruar këta persona dhe në momentin kur është thyer ky kriter është thyer edhe Ligji. Bordet shumë herë nuk kanë qenë të plota”./InLajmi/
