Ambasadorja e Kosovës në Jerusalem merr pjesë në betimin e Presidentit të ri izraelit

E ngarkuara me punë në Ambasadën e Republikës së Kosovës në Jerusalem, Ines Demiri ka marrë pjesë sot në inaugurimin e presidentit të ri të Izraelit, Isaac Herzog përcjell InLajmi.

Demiri është shprehur e nderuar që merr pjesë në ceremoninë e betimit të Presidentit të 11-të të Izraelit. Ajo ka thënë se mirëpret forcimin e marrëdhënieve ndërmjet 2-vendve, si dhe ka falenderuar ish-Presidentin Reuven Rivlin, për simpatinë e treguar ndaj Kosovës.

Postimi i plotë i saj:

E nderuar të marr pjesë në ceremoninë e betimit të Presidentit të njëmbëdhjetë të Shtetit të Izraelit, z. Isaac Herzog, në Knessetin izraelit. E mirëpres forcimin e mëtejshëm të marrëdhënieve midis Republikës së Kosovës dhe Shtetit të Izraelit gjatë presidencës së tij.

E falënderoj ish-Presidentin z. Reuven Rivlin për simpatinë që ka shprehur ndaj Kosovës në të gjitha takimet tona./InLajmi/