Ambasada Gjermane ka njoftuar se nga muaji Gusht do të hap dyert për kosovarët të cilët kanë bërë termine për viza, përcjell InLajmi.
Ambasada ka njoftuar se për t’u pajisur me vizë gjermane, qytetarët duhet të jenë të vaksinuar kundër koronavirusit.
“Duke filluar nga 01.08.2021 për personat nga Kosova që janë plotësisht të vaksinuar kundër Covid-19 përpunimi i kërkesave për viza të tilla do të jetë sërish i mundur. Lista e pritjes për termine në gusht është hapur më 01.07.2021. Të gjitha terminet që kanë qenë në dispozicion në listën e pritjes së terminëve për gusht janë rezervuar. Të gjithë personave, të cilët janë regjistruar me sukses në listën e pritjes, së shpejti do t’iu caktohet një termin për gusht”, thuhet në njoftimin e ambasadës.
