Anglia dhe Danimarka kanë luajtur baras (1-1), pas 45 minutave të para në ndeshjen gjysmëfinale të Euro 2020.
Fillimi i ndeshjes ishte i barabartë me të 2 skuadrat që provuan të gjejnë hapësira në mbrojtjet kundërshtare.
Goli i parë në ndeshje erdhi në minutën e 30-të të takimit, kur i riu Mikkel Damsgaard shënoi nga goditja e dënimit mbi 25 metra.
Ky ishte goli i parë nga gjuajtja e lirën në këtë Euro 2020 dhe një nga më të bukurit në këtë kampionat.
Por Anglia nuk u dorëzua dhe filloi të rrezikojë më shumë.
Fillimisht rast të mirë kishte Raheem Sterling në minutën e 38-të, por goditja e tij nga brenda zonës u prit nga portieri danez.
Por sulmet e shumta iu shpërblyen në minutën e 39-të, kur pasimin e Bukayo Saka e ktheu në portën e tij Simon Kjaer, në tentim për ta larguar topin (1-1).
Në minutat e mbetura Anglia kishte më shumë nga loja, por danezët të gatshëm gjithmonë për kundërsulme, përcjell Telegrafi
Një ndeshje shumë e bukur deri më tani nga të 2 skuadrat.
