Në qershor Almeda Abazi dhe Tolgahan Sayisman u bënë prindër për herë të 2. Në jetën e tyre erdhi një vajzë, të cilën e pagëzuan me emrin Alina, ashtu siç kishin lajmëruar edhe më herët.
Lajmin e bukur e dha vetë Tolgahan në një postim në rrjete sociale. Disa javë më pas ata publikuan foton e parë me të voglën e tyre pas ardhjes së saj në jetë.
Së fundmi, Almeda ka realizuar një video në YouTube ku rrëfen gjithë eksperiencën e saj gjatë lindjes e shtatzënisë. Almeda ka treguar se shtatzënia me Alinën ka qenë më e vështirë sesa me Efehanin pasi ishte kohë pandemie, nuk mund të dilte nga shtëpia, i vinte për të vjellë dhe i flihej shumë gjumë.
“Shtatzënia me Efenë ishte e lehtë, por me Alinën jo. Prej pandemisë nuk dilja dot nga shtëpia. Më përzihej, doja të flija gjithë kohën, kisha rrathë të zinj poshtë syve, u shëmtova shumë”-tha Almeda.
Ajo tregoi se Tolga kishte dëshirë të bënin edhe një fëmijë të 3, por ndryshoi mendje pas lindjes së Alinës, kur pa se Almeda vuajti për 16 orë.
“Tolga po mendonte për një fëmijë të 3, derisa pa lindjen e Alinës”-tha Almeda. “Më vjen keq për ty, nuk do të të lodh më, e mbyllim historinë e fëmijës së 3”-i ka thënë Tolga.
