Nënkoloneli kosovar, Besim Gashi, do të përfaqësoj Kosovën si Atashe i Mbrojtjes në Republikën Federale Gjermane, përcjell InLajmi.
Lajmin e ka bërë të ditur ambasadori në detyrë i Kosovës në Gjermani, Beqë Cufaj, ku përmes një postimi në Facebook i ka uruar suksese Besim Gashit, në misionin e tij të ri.
Cufaj ka shkruar me krenari për UÇK-në, duke thënë se kuadro të saj janë shkolluar e profesionalizuar në Akademitë më të forta ushtarake në vendet aleate.
Postimi i plotë i tij:
Ambasadës së Republikës së Kosovës në Berlin sot i është shtuar një koleg i ri. Nënkolonel Besim Gashi , Atasheu i Mbrojtjes i Republikës së Kosovës do të përfaqësojë vendin tonë si Atashe i Mbrojtjes në Repubublikën Federale të Gjermanisë. Kosova është krenare me të kaluarën e saj dhe vlerat e Ushtrisë Çlirimtare të Kosovës nga e cila kanë dalur kuadro që janë shkolluar dhe profesionalizuar në Akademitë më të forta të shteteve aleate. Nënkolonelit Besim Gashi i dëshirova mirëseardhje dhe sukses në Misionin e tij të ri në një shtet kaq të rëndësishëm dhe aleat të pazëvendësueshëm siç është Gjermania./InLajmi/
