Ish-deputeti i LDK-së, Naser Rugova ka dërguar disa mesazhe në adresë të lidershipit të LDK-së në lidhje me zgjedhjet lokale.
Ai ka thënë se LDK ka probleme në përzgjedhjen e disa kandidatëve fitues.
“Po flas për Prishtinën që ka qenë hambarë i votave të LDK-së. Po flas për Mitrovicën, Prizrenin, Gjakovën dhe Ferizajn. I dërgoj mesazh lidershipit se në këto komuna jemi keq dhe duhet ta rikuperojmë strukturën e LDK-së”, tha ai
Ish-deputeti thotë se propozimet e kryetarëve do të ishte dashur të vijnë nga dega për t’u evituar problemet, përcjell Telegrafi.
“Në kohën e Presidentit Rugova, dega ka vendosur se kush do të jetë kandidatë për kryetar të komunës”.Rugova thotë se 85% e Kryesisë së LDK-së kanë qenë edhe në Kryesinë e LDK-së kur ka udhëhequr Isa Mustafa.
