Është mbajtur ceremonia për pranim-dorëzimin e detyrës së Kryesuesit të Këshillit Gjyqësor të Kosovës, ndërmjet kryesuesit të deritanishëm, Skender Çoçaj dhe kryesuesit të ri të zgjedhur, Albert Zogaj, raporton InLajmi.
Skënder Çoçaj gjatë dorëzimit të detyrës i ka uruar suksese kryesuesit të ri Albert Zogaj.
Ndërsa, kryesuesi i ri i zgjedhur Albert Zogaj, është shprehur se në mënyrë të vazhdueshme do të matet performanca e gjyqtarëve.
“Do të doja të ju falënderoja për kontributin e dhënë dhe KGjK ja ka dal me sukses që ta kalojë këtë sfidë të madhe të pandemisë. Mendoj që KGjK kohëve të fundit ka pasur iniciativa të rëndësishme, ne realisht me procesin e vlerësimit të performacës shumë shpejt do të kemi edhe rregulloren”.
“Ne po mendojmë që të ardhmen të kemi plotësimin e kushteve, do të kemi edhe një proces të rishikimit të brendshëm të krejt akteve normative. Duhet të ruhet pavarësia e sistemit gjyqësor dhe cdo mekanizëm do të monitorohet nga Këshilli Gjyqësor, ne nuk jemi kundër asnjë mekanizëm të jashtëm”./InLajmi/
