Këshilli për Mbrojtjen e të Drejtave dhe Lirive të Njeriut ka reaguar ndaj dënimit të Zoran Vukotiqi me 10 vite burg për krime ndaj shqiptarëve në kohë të luftës, përcjell InLajmi.
Nga KMDLNJ këtë vendim e kanë konsideruar hap drejt realizimit të drejtës për drejtësi për viktimat e luftës së fundit në Kosovë.
Për KLMDNJ-ë ky vendim ngjallë shpresat se krimet e tilla nuk do të mbasin të pandëshkuara.
Postimi i plotë i tyre:
KMDLNJ-ë në Prishtinë, dënimin e Vukotiqit e konsideron një hap drejt realizimit të drejtës për drejtësi për viktimat e dhunës seksuale gjatë luftës së fundit në Kosovë, si e drejtë e njeriut dhe shpagim moral për dëmet e pakompensueshme që i janë bërë këtyre viktimave.
Dhunimi seksual përveç si krim lufte në Kosovë ka patur edhe karakter etnik.
Për KMDLNJ-ë, ky dënim ngjallë shpresat se krimet e tilla nuk do të mbesin të pandëshkuara pavarësisht se deri më tani numri i të dënuarve është më se simbolik.
KMDLNJ-ë konsideron se me këtë rast është vlerësuar puna e kësaj organizate për të drejtat e njeriut për faktin se ka ndihmuar në zbardhjen e këtij rasti e që ka rezultuar me shqiptimin e dënimit.
KMDLNJ-ë shpreson dhe beson se ky dënim nuk do të mbetet rast i izoluar por se do të dënohen edhe dhunuesit tjerë aq më parë që krimet e luftës nuk vjetërohen asnjëherë kurse dhunimi seksual që përdoret si mjet për arritjen e qëllimeve politike dhe ushtarake është kualifikuar si krim lufte. /InLajmi/
