Hakerat që dyshohet të jenë pas sulmit kibernetik që goditi zingjirin e marketeve suedeze Coop dhe kompani të tjera në botë, kanë kërkuar 70 milionë dollarë për të kthyer të dhënat që mbajnë, transmeton InLajmi.
Kërkesa është postuar në blogun që përdoret nga banda e krimit kibernetik REVil, një grup ky i lidhur me Rusinë, ndër më të njohurit për sulme kibernetike.
Banda ka një strukturë komplekse, dhe herë pas here është e vështirë për të kuptuar se kush flet në emër të hakerave.
Por Allan Liska, nga firma e sigurisë kibernetike Recorded Future, u shpreh se mesazhi ” me siguri” ka ardhur nga udhëheqja e REvil.
Një nga sulmet më të mëdha të ransomware në histori u përhap të shtunën, duke detyruar zinxhirin e dyqaneve ushqimore Swedish Coop të mbyllë 800 dyqanet e saj sepse nuk mund të përdorte regjistrat e parave të gatshme.
Laboratorët Huntress, të parët që dhanë alarmin e valës së infeksioneve tek klientët, thanë se mijëra kompani të vogla mund të ishin goditur, shkruan France 24.
Bizneset e prekura raportuan për skedarë të koduar dhe mesazhe elektronike që kërkonin pagesa e shpërblime prej mijëra ose miliona dollarësh./InLajmi/
