Jose Mourinho është rikthyer të flas për Kampionatin Evropian, ku tani ka folur për ndeshjet gjysmëfinale.
Spanja, Italia, Anglia dhe Danimarka kanë siguruar një biletë për gjysmëfinale dhe janë 4 Kombëtaret që ëndërrojnë triumfin në Euro 2020.
Por fillimisht trajneri portugez i Romës ka vajtuar lëndimin e mbrojtësit të majtë të skuadrës së tij dhe Italisë, Leonardo Spinazzola.
“Lëndimi i i Spinazzolas është një humbje e tmerrshme për Mancinin, por imagjinoni sa keq është për mua që nuk do ta kem për rreth 6 muaj. Do ta zëvendësojë Emerson, ai është një lojtar i mirë dhe me përvojë, por Spinazzola është me të vërtetë i pabesueshëm”, ka deklaruar Mourinho për Talk Sport.
Tutje trajneri portguez ka folur fillimisht për përballjen e parë gjysmëfinale Itali – Spanjë, ku i ka vlerësuar lartë Azzurët, por që ka thënë se ka respekt edhe për futbollin spanjoll, përcjell Telegrafi
“4-shja mbrapa po bënte mjaft mirë, Di Lorenzo, Bonucci, Chielini dhe Spinazzola. Pastaj Jorginho i jep ekipit stabilitet. Italia ka talent të madh, edhe nëse sulmuesit nuk janë cinikë, ata kanë shumë zgjidhje”.
