Partia Nisma Socialdemokrate, ka uruar SHBA-të, në 245-vjetorin e shpalljes së Pavarësisë, përcjell InLajmi.
Përmes një postimi në Facebook, nga partia është shkruar se Amerika është shembulli më i mirë për tu ndjekur.
Lideri i Nismës SocialDemokrate Fatmir Limaj, në shkrimin e tij urues për SHBA-të, ka bashkangjitur një fotografi më ish-Presidentin amerikan Bill Clinton.
Postimi i plotë i tyre:
Gëzuar 4 korrikun, Ditën e Pavarësisë së SHBA-ve, festën e madhe të cilën e feston e gjithë bota e qytetëruar.
Shembulli më i mirë për t’u ndjekur nga shtetet dhe kombet, janë pikërisht Shtetet e Bashkuara të Amerikës dhe Kombi amerikan, që ngërthejnë në vete vlerat dhe idealet më civilizuese, si mbrojtësit e promovuesit më të mëdhenj të lirive dhe të drejtave të njeriut si dhe udhërrëfyes për të gjithë popujt dhe botën liridashëse.
Në emrin tim dhe të Nismës Socialdemokrate shpreh urimet më të përzemërta për popullin mik amerikan.
Qytetarët tanë i janë përjetë mirënjohës SHBA-ve për kontributin dhe ndihmën e dhënë për Kosovën në të gjithë etapat. Kosova është e bekuar që ka miqësi me SHBA-të dhe miqësia me ta do të jetë e përjetshme.
GËZUAR AMERIKË!/InLajmi/
