Kryetari i sapozgjedhur i Partisë Demokratike të Kosovës (PDK), Memli Krasniqi së bashku me gruan e tij, Melizën sot kanë vizituar familjarët e Hashim Thaçit dhe Kadri Veselit, përcjell InLajmi.
Krasniqi tha se sot ka vizituar 2 familje atdhetare që ishin frymëzim për çdo mendje e zemër patriotike.
E derisa ai ka vizituar këto familje tha se malli i familkjarëve për djemtë e tyre që po mbahen padrejtësisht në Hagë është i madh.
Postimi i plotë i tij:
Në Burojë dhe në Mitrovicë, në 2 shtëpitë atdhetare që ishin frymëzim për çdo mendje e zemër patriotike, për t’i takuar prindërit dhe familjarët e 2 liderëve tanë që shënuan historinë e përpjekjeve të shqiptarëve të Kosovës për liri, pavarësi dhe shtet-ndërtim, Hashim Thaçi dhe Kadri Veseli.
Malli për djemtë e tyre, që padrejtësisht po mbahen në Hagë, është i madh.
Sytë e tyre e flasin këtë, ashtu siç balli i tyre e rrëfen një jetë të tërë me sakrifica. Por, krenaria për bijtë e tyre dhe për vlerat e tyre kombëtare – i mund të gjitha.
Kosova mburret me ta dhe e pret kthimin e tyre triumfues, sepse e tillë ishte lufta për çlirim – e drejtë, e pastër dhe fitimtare./InLajmi/
